_________
آخر حاجة في موضوع النتيجة
____________________
تم الإستفتاء بين الطلاب , قبل المحاضرة المجمعة في البريك , و تمت الأغلبية علي إختيار معين
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
الإجراءات
_______
- توجهت علي الفور لعميد الكلية و قال : إن النتيجه رجعت تاني الكنترول , عشان يتعمل منحني بنسبة النجاح في الدرجات للمواد في الورقه , ونسبة النجاح للمواد في درجات أعمال السنة.
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
- روحت للكنترول , كان دكتور شفيق موجود , و لكن عرفنا تفاصيل أكتر:-
________________
1- النتيجة رجعت الكنترول , عشان يترسملها الكيرف بتاع نسبة النجاح في كل ماده في الورقه
و نسبة النجاح في أعمال السنة كمان
2- لو المنحني بتاع أي ماده طلع قليل , هيتم رفعة و النظر فية مره أخرى
3- لو المنحني طلع عالي , هيفضل زي ما هو
-و عميد الكلية عايز يشوف المنحنيات دي قبل ما يمضي علي النتيجة , عشان لو النتيجة إتعلقت و كان فية ظلم , مش هينفع يتعمل فيها حاجه
, لكن لو إتعرف قبل ما النتيجة تتعلق , هيتظبط في الكنترول , و نلحق الظلم قبل و قوعه ومايكونش فية ظلم
________________________________________________________
- سألت الدكتور : المنحنيات و الإحصائيات هتاخد كام يوم ؟؟ قال : حوالي 3 أيام من العمل المتواصل
و هنحاااااااااااول بأقصي جهد تتعلق الإتنين أو الثلاثاء
_________________________________________________________
-الدكتور سأل : لو النتيجة بقت جاهزه الثلاثاء او الأربع ,, نطلعها علي طوول قبل الميدتيرم بيومين كدا ؟؟؟ ولا نستنى عليها بعد الميدتيرم ؟؟ و الدكتور ساعيتها كان شكلو عايز يستني عشان نفسية الناس و قبل الإمتحانات علي طوول و كدا
- و كان الرد : هي تكون جاهزة بس يا دكتور, و نشوف موضوع ظهورها ,, لكن نبقي حاطين في إعتبارنا إن فية ناس متفوقة جدا جدا جدا في الدفعة , مش عارفين يزاكروا بسبب ظهور النتيجة , ودا هيأثر علي آداؤهم في الميدتيرم
+
إن اللي هيلاقي نتيجته مش كويسه , مش هنقول هيزعل , لكن هيكون عرف الوضع اللي هو فية و هيشد حيلة أكتر و أكتر عشان يعوض , عشان عارف إنه علي شفا حفرة , فمافيش وقت للكسل
+
و الدفعة كلها اللي نتيجتة حلوه أو وحشة , كلنا هنعرف راسنا من رجلينا , ونعرف وضعنا إيييييه
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
و كل التعديلات و الإحصائيات و الكيرفات دي , عشان خايفين إننا نتظلم في نتيجة أعمال سنة في مادة معينة , فنحتج و نثور بعد تعليق النتيجة
زي سنة رابعة كانت نسبة النجاح في أعمال السنة في ماده 12% ا
المادة كانت من 45 درجة , اللي عدي ال 22.5 , 12% من الدفعة !!!!
هم إستفادوا من تجربة رابعة , والعميد عايز يتأكد بنفسة من إحصائيات كل مادة , أعمال سنة و الفاينل ,,يعرف نسبة النجاح عاملا ازاى؟؟ عشان ميحصلش نفس السيناريو بتاع رابعة , و خصوصا إن رابعة إتحركت بعد ما الفاينل إتعلقت مش قبلها
وعشان تبقي كل النسب طبيعية , بمعدل باقي النسب بتاع الدفعة في باقي المواد
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
شكرا :)
ليست هناك تعليقات:
إرسال تعليق